A Chance To Love You

Nang mangailangan ng tulong si Evelyn para sa pagpapagamot sa maysakit na kapatid, napilitan siyang lumapit sa taong sa tingin niya ay nararapat lamang na tumulong sa kanila. Pero hindi ang inaasahang tao ang kanyang nakaharap, kundi ang guwapo at matulungin nitong anak, si Wilson Cabrera, Jr. Hindi lang isang beses na tinulungan ni Will si Evelyn, pati na ang kanyang kapatid. At ang samahan nila ay yumabong at inakala ni Evelyn na mauuwi na sa seryoso at masayang relasyon. Ngunit sa pagsulpot ng ina ni Wil sa eksena, nakatakda palang masira ang lahat—kasabay ng pagsabog ng mga lihim. Iyon ba ang sisira sa umuusbong nilang pagtitinginan?